لا تشره اذا اغليتك .. او بالصدر حطيتك

لا تشره اذا اغليتك .. او بالصدر حطيتك

يعجبني اتكيتك .. ماغيره سلب روحي

تتزايد لك اشواقي .. منك خاطري ضاقي

امن اسبابك ارهاقي .. ليت اتداوي اجروحي

تعال اشتر اوصالي ... وصلك عندنا غالي

وتقهوا من ادلالي ... شوقي إلـ شوفك ايفوحي

مثلك خاطري حبه ... ولبه يالغلا لبه

اغيابك بلا سبه ... بين عبرتي ابوحي

نفسي تعشق اوصالك ... وانت اتزيد بهمالك

طمني عن احوالك ... لا تتركني ابروحي

تابعتك علي سنابك .. وارسلك بوتسابك

لكن طول اغيابك ،.. راع الشوق مفضوحي

ليت الشعر ولحونه .. محبوبي يجبونه

فاقد شوفة اعيونه ... بعده صرت مشفوحي